طرابلس حلوة بناسها و روحها الطيبة ... لازم تزوروا طرابلس - تجربة شاب لازم تعيشوها - Lobnan.org | موقع لبنان
الرئيسية » أخبار لبنانية و سياحية » طرابلس حلوة بناسها و روحها الطيبة … لازم تزوروا طرابلس – تجربة شاب لازم تعيشوها

طرابلس حلوة بناسها و روحها الطيبة … لازم تزوروا طرابلس – تجربة شاب لازم تعيشوها

مبارح قررت زور طرابلس ومش اول مرة بطلع عليها … طرابلس اللي بقولو عنها متطرفة و كتار من الناس بخافو يطلعو عليها …
عن قناعة مطلقة و بعد عدة زيارات لهل مدينة اكتشفت انو نفسيات ولادها من اطيب النفسيات اللي بهل بلد … طرابلس المحرومة واللي يمكن نص شعبها فقير و تحت خط الفقر … تجارها و اصحاب الارزاق فيها بعدهن بخافو الله وما بينصبو زوارهم تحت حجة الضيقة المادية و استغلال ال “غريب” عن المنطقة …
قنينة الليمون الطبيعي فيها ب ١٠٠٠ ليرة … روح ارغل وين ما بدك اطيب ارغيلة فيها ب ٤٠٠٠ ليرة … حتى ربطة الخبز فيها ب ٥٠٠ ليرة !!! اما الغدا عل ميناء و السمك ما رح احكي عنو بس روحو و جربو …
شعبها طيب و بيلاقوك احسن ملقى وكلمة “خليها علينا” بتنقال مرة و تنين ولو من باب المجاملة بس بعدها بتنقال بالوقت اللي انعدمت فيه هل كلمة ببيروت و ضواحيها !
طرابلس حلوة و ناسها احلى … اسمي ذوالفقار يعني لوحدو حسينية … طلعت مع شاب رحلة بحرية و قلتلو انا من الضاحية … صار يذكرلي كيف كان ينزل قبل و قديش بيحب هل منطقة اللي شعبها متل شعبو و بيتساوو بالفقر و التعتير … نصيحة ما تخافو تزورو طرابلس ولا تقضو نهار فيها …
#ما_تخافو_من_الفقير_اللي_شبعان
#خافو_من_الغني_اللي_ما_بيعرف_الشبع
 
-منقول عن صفحة احد الشبان عبر الفيسبوك الذي أحب أن يشارك الناس تجربته الجميلة و نظرا لجمال الكلام و تماسكه و هدفه الذي يخدم مصلحة لبنان العامة و مصلحة طرابلس و الضاحية قمنا بنشره
موقع لبنان يتمنى من الجميع خوض تجربة ذوالفكار

2 تعليقان

  1. صعب صعب صعب نزورها كلها دواعش منخاف لو شو ما جملوا صورتها والله يعينهم افقرمدينة بالشرق الاوسط وأغلبهم قلوبهم داعشية يفرجونا انهم ليسوا بدواعش من خلال أفعالهم وليس من خلال اقوالهم اقول اذا وغصة بقلبي

    • بكل مكان في منيح وفي مش منيح أنا زرت طرابلس بشهر 5 /2015 صحيح حسيت بخوف لأنو بناياتها لهلا فيها آثار الرصاص والقذائف وكمان بيوت كتير فقيرة وبسيطة وبسبب هالشي أكيد بتكون من المناطق المفضلة لدى الأرهابيين لكن لمست من أهلا الطيب ومع هيك الحذر واجب الله يفرج عنها ويرجع لبنان متل ما كان لا داعش ولا غيرون آمين رب العالمين

اضف رد

لن يتم نشر البريد الإلكتروني . الحقول المطلوبة مشار لها بـ *

*

Online Casinos